t Hogelaand
t Is de lucht achter Oethoezen.
t Is t torentje van Spiek.
t Is de weg van Lains naar Klooster,
en deur Westpolder laangs de diek.
t Binnen de meulens en de moaren.
t Binnen de kerken en de börgen
t is t laand, woar ik as kind,
nog niks begreep van pien of zörgen.
Dat is mien laand, mien Hogelaand…
t Is de lucht achter Oethoezen.
t Is t torentje van Spiek.
t Is de weg van Lains naar Klooster,
en deur Westpolder laangs de diek.
t Binnen de meulens en de moaren.
t Binnen de kerken en de börgen.
t is t laand, woar ik as kind,
nog niks begreep van pien of zörgen.
t Binnen de meulens, t binnen de börgen…
t Is n doevetil, n dörpsstroat,
t is n olle bakkerij.
t Binnen de grode boerenploatsen,
van Waarvum, Oskerd, zo noar Mij.
t Is de waait, t is de hoaver.
t Is t koolzoad in de blui.
t is de horizon bie Roanum,
vlak noa n dunderbui:
Dat is mien laand, mien Hogelaand…
t Is n mooie oavend in maai,
n kou houst, doeknekt in t gruinlaand.
Ik heb veur d’eerste moal verkeren,
en vuil de vonken van dien haand.
De wilde plannen dij ik haar,
komt sikkom niks meer van terecht.
Totdat de nacht van t Hogelaand,
n donker klaid over ons legt.
Dat is mien laand, mien Hogelaand…
Ede Staal
schreef op december 9, 2024
om
9:07 am
